حزن على الريحة
نفسى اسألك
بيقولوا فيه انواع كتير للبكا
كلمنى عن صوت البكا المصرى
و ازاى اعيش عصرى
و ماكنشى واحد من قديم الأزل
باكره حياتى و طعمها الماسخ
ريحة شباب شايخ
و باقول كلام موزون
القى الصدى يرجع كلام دايخ
يرجع كلام ممسوخ قوى و بايخ
و ماليش كتير فى الحزن
و ماليش فى حزن المشايخ
لكنى بكبر زى كل الناس
و الليل بيهرب و النهار شارخ
رجب الصاوى
ديوان : عناقيد الشمس
posted by nona @ ٨:٣٥ م
1 Comments:
At ١٠:٣١ م,
السهروردى said…
من أجمل قصايد رجب الصاوى فعلا ودايما بتخلينى أدمع لما أقراها
إرسال تعليق
<< Home