That's Amore...احبك جدا
و هكذا تصالحنا
ما اجمل ذلك الصلح الذى يتم بيننا فى غفلة من الزمن بعد طول مناهدات ووجع قلب و تخبط
وهكذا ببساطة تلك العبارة نتصالح دائما
و سوف نتصالح دائما..ان اراد الله و اردنا
اتذكر كل ما مضى و كل ماسوف يأتى ... لن اكذب لا اشعر بالاستمتاع سوى من فكرة ان مستقبلنا قد بدأ يرتسم
و هكذا تصالحنا
لنكرر لقائتنا و نقيس علاقتنا و نكتشف ان الحياة عقدة معقدة بستين عقدة.. فنقرر ان نهرب لنحتمى بتلك المظلة التى تحمينا من الموت كمدا.. وهى حبنا .. و نتصالح مع انفسنا .. فتصالحنا الدنيا
لا اعرف لماذا دائما تأتى الخناقة لتكبس على نفسنا .. معلش يا محمد ما انت اللى قايللى متحسبيهاش و متخططيش كل حاجة للاخر عشان متحبطيش لو كانت حسباتك مش مضمونة.. علشانك مش هحسبها تانى للاخر هحسبها لحد ما الاقى نفسى بدأت احبط
مش عايزة اطول نتيجة اعتراض محمد على الاغراق فى الذاتية اللى غمرت البلوج .. معلش معذورة ما الظروف الموضوعية لازم تخلينا كلنا غصب عننا ذاتيين الى اقصى حد.. انا بس هقول حاجة صغيرة.. فاكر من سنة.. ايوه فى عيد ميلادك اللى فات لما اديتك سى دى احبك جدا
ما اجمل ذلك الصلح الذى يتم بيننا فى غفلة من الزمن بعد طول مناهدات ووجع قلب و تخبط
وهكذا ببساطة تلك العبارة نتصالح دائما
و سوف نتصالح دائما..ان اراد الله و اردنا
اتذكر كل ما مضى و كل ماسوف يأتى ... لن اكذب لا اشعر بالاستمتاع سوى من فكرة ان مستقبلنا قد بدأ يرتسم
و هكذا تصالحنا
لنكرر لقائتنا و نقيس علاقتنا و نكتشف ان الحياة عقدة معقدة بستين عقدة.. فنقرر ان نهرب لنحتمى بتلك المظلة التى تحمينا من الموت كمدا.. وهى حبنا .. و نتصالح مع انفسنا .. فتصالحنا الدنيا
لا اعرف لماذا دائما تأتى الخناقة لتكبس على نفسنا .. معلش يا محمد ما انت اللى قايللى متحسبيهاش و متخططيش كل حاجة للاخر عشان متحبطيش لو كانت حسباتك مش مضمونة.. علشانك مش هحسبها تانى للاخر هحسبها لحد ما الاقى نفسى بدأت احبط
مش عايزة اطول نتيجة اعتراض محمد على الاغراق فى الذاتية اللى غمرت البلوج .. معلش معذورة ما الظروف الموضوعية لازم تخلينا كلنا غصب عننا ذاتيين الى اقصى حد.. انا بس هقول حاجة صغيرة.. فاكر من سنة.. ايوه فى عيد ميلادك اللى فات لما اديتك سى دى احبك جدا
اللى الاغنية الرئيسية بتاعته بتتكلم على مأساة مغربى مهاجر بطريقة غير شرعية لـ اسبانيا.. و طبعا مش الكلام هوا اللى عجبك و لا الموضوع لأن الشريط اسبانى.. يعنى لازم تنزل الترجمة مع الشريط .. لكن اللى عجبك شغفك بمعرفة اللى الحاجات اللى بتعجبنى .. زى مانو تشاو و اغانيه برغم ان اصحابى لما بيسمعوا الباليرو بتاع كوبا و دا نوع اغانى عاطفية هادية بيقولوا على مانو تشاو سعد الصغير بتاع اسبانية .. مش يمكن اهتمامنا المشترك بكل التفاصيل الصغيرة الغير مشتركة هوا اللى خلانا نستمرلأن اللى ما بينا حقيقى جدا... انا نفسى النهاردا بمناسبة حاجات كتير اكون مغرقة فى الذاتية .. بمناسبة احتفالنا بمرور سنة على خطوبتنا اللى باقى عيه ايام .. و بمناسبة اننا قدرنا نتصالح و نتفاهم بشكل انا حاسة انه افضل من المرات اللى فاتت... و كمان بمناسبة انى لازلت احبك جدا
ملحوظة
مش عارفة ليه حاسة ان المدونة بقت كأنها يوميات علاقتنا لكن انا هتبع نصيحتك و مش هكون ذاتية بشكل مبالغ فيه و
لكن موعدكش انى هبطل اسجل يوميات علاقتنا.. و كمان لو كان نص الوطن العربى عرف اننا اتخانقنا خلى نصه التانى يعرف اننا اتصالحنا
ملحوظة تانية
طبعا كلكو بتسألو ايه دخل التدوينة بالعنوان كل الحكاية انى بس افتكرت الاغنية العبقرية
بتاعة دين مارتين فحبيت اهديها لكل اتنين حبيبة و يعنى اذا كنتم زيى الانجليزى بتاعكم مش ولا بد ادخلوا هنا هتلاقوا الكلمات
و فى الاخر عايزة اقول كلمة سر لواحد بس
و فى الاخر عايزة اقول كلمة سر لواحد بس
بحبك بجد
posted by nona @ ٣:٣٩ ص
7 Comments:
At ٧:٣١ ص,
solymr said…
لقد و لدتما معا و معا تظلان إلى الأبد، ليحب أحدكم الأخر و لكن لا تجعلا من الحب قيدا و ليملأ أحدكما كأس الأخر و لكن حذار أن تشربا من نفس الكأس، فإن أوتار القيثارة مشدوده على افتراق و إن خفقت جميعها بلحن واحد، ولتنهضا متكافلين و لكن دون أن تلتصقا، فإن أعمده المعبد على إنفصال تقوم و السنديان و السرو لا ينمو بعضهما في ظل بعض
النبى
At ٧:٥٣ ص,
nona said…
بقولك ايه يا حبيبى و يا سنديانة عمرى و يا قيثارة ايامى اللى شكلها مشدودة على افتراق
اوعدك انى اول ما اعرف مكان قبر جبران خليل جبران انى هاخد بوكيه ورد واحطهوله و اقوله بما انك مليت دماغ حبيبى بـ افكار مليانة غربة و غرابة،و بما انى زهقت من تدخلك البارد فى حياتى يااونكل
ارجوك
اتلهى
At ١١:٣٧ ص,
غير معرف said…
متهيألى الذاتية هى اللى بتجعلنا بشر
سيبك من أنها بتساعدنا نقاوم الحياة المملة و المتعبة ...لكن من الأصل أنا انسان عشان لى ذات مختلفة ........ لو حاولت ألغى ذاتى و أدمجها فى كيان تانى أكبر منى - مهما كان نبيل و عظيم - فأنا حتحول لمسخ ... آلة فيه منها مليون نسخة مكررة
أكتبى بحرية و متفكريش مين بيقرا و ليه و رأيه ايه ... أكتبى عن ذاتك أو عن بلدك أو مبادئك ... المهم تكتبى اللى عاوزاه ... حتلاقى نفسك بتكتبى بجد و أحسن من أى شخص بيحاول يلغى ذاته من أجل كيان تانى
At ٥:٠٨ م,
الحمقاء المضلله innominate x said…
ضحكتيني يا نونا جدا حأقول ايه بس ربنا يخليكو لبعض و happy anniversary
At ٥:١٠ م,
الحمقاء المضلله innominate x said…
و بعدين محمد قام ناقل اللي حاطاه في مدونتي من كتاب النبي بجد ضحكتونييييي
At ١١:٥٢ ص,
غير معرف said…
وهكذا تصالح محمد ونهي للمرة المش عارف كام، وهكذا تستمر العلاقة بينهما لما يقارب العام ونصف وقد بدا لنا الأن كم تغير شكل العلاقة وكم تغير طرفيها مع كل ماحدث لهما وأختلفا كثيراً عما كانا عليه في لحظة البدأ، كان معكم موفد قطاع الأخبار من مدونة ثورجية
مصطفى
At ١٢:٠٦ م,
غير معرف said…
عزيزتي نهي، سرحت كتير مع هذه العبارة "مش يمكن اهتمامنا المشترك بكل التفاصيل الصغيرة الغير مشتركة هوا اللى خلانا نستمرلأن اللى ما بينا حقيقى جدا"، جعلتني هذه العبارة فعلاً أفكر في السبب الذي يجعلنا نستمر في علاقاتنا كل هذه المدد الطويلة، فإذا ما نحينا جانباً كل الأسباب التقليدية التي لها علاقة مثلاً بالارتباط الرسمي في حالتكما، فإن إجابة السؤال تظل غائمة أمام عيني، شيئاً ما يبقينا متجاورين، ربما هو الحاجة لوجود شريك، ربما كل الأشياء التي تشكل ميراثاً مشتركاً بين طرفي العلاقة، حقيقي لا أعرف، أو لو شئت الدقة فنحن نعرف بالتدريج، نعرف الإجابة على مراحل، نحن لا نملك الإجابة أبداً دفعة واحدة، وأحمق من يدعي ذلك، ولا أظن أن شيئاً ما في الحياة معروفاً وواضحاً بشكل كامل وجلي، ولو كانت الحياة غير ذلك لما عاش إنسان ولا كان هناك وجود لكلمات مثل "التجربة-الألم-النجاح-الفشل-النصيحة-...."
مصطفي
إرسال تعليق
<< Home