ثورتى ضد القيود

الثورة هى ان تكتشف فى كل يوم جديد ان حياتك تحتاج الى التغيير

الاثنين، أكتوبر ٠٦، ٢٠٠٨

صباح يوم جديد



يمكن مش حالة واحدة اللى ممكن يحطك فيها صوت خالد الهبر، صوته بيعكس حاجات كتير..بحس انه من الاصوات اللى بتجبرك انك تحس باللى بيقوله حتى لو مش منتبه او مركز مع اللى بيقوله .. انا للاسف مش بفهم كتير فى المزيكا .. يعنى بسمع و بحس المزيكا و بس .. لكن بجد خالد الهبر بيحطنى فى مود مختلف تماما عن اى مغنى بحسه فى (المظلومين ) و ( زنابق لمزهريات فيروز ) و ( حالة الاحتضار الطويلة ).. يمكن دا اللى حسيته النهاردا لما سمعت اغنية (صباح يوم جديد ) .. الاغنية مش حلوة جدا و لا حاجة لكن فيها حاجة عظيمة انها جت على الجرح قوى .. وخاصة بالنسبة ليا ..حسيت قد ايه الاغنية قدرت ترسم حالة الانسحاق اليومى اللى بنعيشها .. و على الرغم من انى مبقاليش كتير بعيش تحت ضغط الة العمل .. الا انى بجد بحس كل يوم انى "انهض من فراش اصابه الملل" ..يمكن انا بتدلع شوية لكن ايه المانع .. على كل حال دى اغنية مناسبة لحالة القرف اللى الواحد بيعيشها نيجة احساسه ان الاجازة بح خلاص .. اسبوع اجازة برضه مش قليل ..راجعين للشغل تانى .. عشان كل يوم نفاجئ باللى بتقوله الاغنية

يطل صباح يوم جديد

تنهض من فراش اصابه الملل

السابعة تماما

تنهض فى السابعة

من غير ان تنادى كساعة الحائط

فمنذ عشرين سنة و انت تنهض فى السابعة

تقرأ الصحيفة كالعادة فى الصباح

تقرأ يومك الاتى فى كلمات الصحيفة

تشرب القهوة كالعادة فى الصباح

تنظر فى المرأة ترى فيها ما تراه دوما فى الصباح

منذ عشرين سنة و انت تنهض فى السابعة

تغسل حزنك اليومى بفرشاة اسنان

و تذهب ضاحكا الى عمل حزين

تضحك لأنك ما عدت قادرا على حزن عقيم

تعمل ساعات و تأكل ساعتين

تعمل لتأكل و تأكل لتعمل

و تبكى ساعتين

و تعود فى المساء

تنسى يومك المرمى فى تاريخ لا ينام

و تنام .. تنام .. تنام

ويطل صباح يوم جديد

تنهض من فراش اصابه الملل

السابعة تماما


هناهتسمع الاغنية